«Պղնձամոլիբդենայինն այն կոմբինատն էր, որ անընդհատ իմ հետ էին կապում ու դա արվում էր «ՀԺ»-ի կողմից:
Հիմա ո՞վ փայ մտավ: Երևի ՀՀ պատմության մեջ ամենից մութ գործարքն է՝ անհասկանալի տրամաբանությամբ: Չես հասկանում՝ ինչու է ինչ-որ նվիրաբերություն արվում, ու այդ փայի կառավարումը փոխանցվում վարչապետի աշխատակազմին, աբսուրդ է.
պետական բաժնեմասերը պետք է կառավարվեն ֆիննախի կամ էկոնոմիկայի նախարարության կողմից»,- ասուլիսի ժամանակ հայտարարեց ՀՀ երկրորդ նախագահ Ռոբերտ Քոչարյանը: Նրա խոսքով՝ «սա կոռուպցիայի դրսևորում է, լկտիության հասնող երևույթ»:
Ավելի վաղ հայտնել էինք, որ կառավարությունում քննարկվել են ԶՊՄԿ ներդրումային ծրագրերն ու նախագծերը:
